ЭРЗИАНА эрзянский литературный сайт

ПРЯКСЛОПА
Категории раздела
Мои статьи [331]
Стихи [571]
КАВТО ВАЛСО
Статистика
Главная » Статьи » Мои статьи

Юлия Шведкова. Сэтьмечиде

Сэтьмечиде

 

Аволь умок арсезевинь сэтьмечиде. Минь малав зярдояк а эрсетяно сэтьмечисэ, лиякс меремс, арась меленек понгомс эйзэнзэ. Сыргозекшнетяно частнэнь седямост вельде, сеске венстятано кедь телевизоронь пультонтень (эряви меремс, лиякс кодаяк а муеви ён), кемтяно: аволь валскень зарядкась, – ветицянть эрьгана вайгелезэ лезды миненек седе курок сыргоземс. Мейле, кудосто капшазь, пилес нерьгстатано кунсоломкат (седе ламотне истя тейнить, зяро иест илязт уле), ве секундаскак илязо сезеве сюлмавомась пертьпельксэнть марто, конась, видьстэ меремс, аволь фатяяк вейкешканть эйстэнек ёмамозонзо.

Ардтано. Паро, бути ловнотано. Журнал эли газета. Вадря, бути чарькодтяно. Чинь перть чадыця информациясь а нолды эйсэнек нардев кедьстэнзэ. Кудов ардтано – весе секесь. А кенертяно чалгамо поровтонь трокс, таго каявтано пультонтень эли компьютерэнь «чеернентень»… Ды сиземась уш а шляви экшелямсто чудиця ведень шольнемантеньгак.

Паряк, истя седе а маряви ськамочись, эли истя машттано сонзэ эрявиксчинть. Минь карминек пелеме сэтьмечиде. Сонзэ эйстэ, маряви, тееват вишкинекс, пелицякс, лавшокс. Марят, кода сэтьмечись састо сови удемезэть, валови весе рунговат, лепшти седееть. Аламот – ды сыргозить Вайгельтне. А минь истя пельтяно марямс эсь прянок…

 

Категория: Мои статьи | Добавил: tati (06.06.2010)
Просмотров: 278 | Рейтинг: 5.0/1 |
Всего комментариев: 0
Имя *:
Email *:
Код *:
...ERZINFORM
ОД СЁРМАДКСТ
[31.10.2010][Стихи]
Александр Арапов. К... (0)
[24.01.2010][Мои статьи]
Художники в СССР. Из... (0)
[21.10.2010][Стихи]
Исланкин Юрий Иванов... (0)
[21.10.2010][Стихи]
Исланкин Юрий Иванов... (0)
[21.10.2010][Мои статьи]
Исланкин Юрий Иванов... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2017
    Сделать бесплатный сайт с uCoz