ЭРЗИАНА эрзянский литературный сайт

ПРЯКСЛОПА
Категории раздела
Мои статьи [336]
Стихи [571]
КАВТО ВАЛСО
Статистика
Главная » Статьи » Мои статьи

Александр Тикшайкин. КЕМЕНЦЕ ПИНГЕСТЭ ИНЖЕ. Евтнема
см.Начало

***

А стяко кортнить: сёксня вейке чи валы — недля коськи. Кизна — мекевланг: недля валы — вейке чис коськи. Истя лиссь нейгак. Исяк оно кода менелесь вариякшнось. Марявсь, весе модась иневедь потмаксос туи. Течи вана чикась пейдезевсь, ды ульцясь сеске кармась соркстамо. Ансяк лембеськак оймем та-кода эзизе эжде. Тувталось, нать, ульнесь неезьсэнть.

Попось эрясь веленть омбоце песэ, секс кудотнеде савсь ютамс сядошка. Весе сынь мольсть вейке омбоце ёнов, теке веенст тетянь-авань пакшат: пельскаладот, модас сюконязь. Ламотне, секень вант, азортомольть, идем тикшенть потсто эль неявсть.

Ансяк попонь кудось ульнесь, мерят, аволь те мастороньгак: ашо кирьпецень, алцек-верцек, латозо кшнинь, чипаенть ало кувтолдозь кувтолды. «Границязояк» ули — колмошка метрань сэрьсэ лазонь пирявт, конань пачк мезеяк а неят.

Савсь вачкодемс кенкшентень. Каршо васня марявсть азар-гадозь кискань онгомат. Ветешка минутань ютазь кенкшесь кавтошка ваксонь келесэ панжовсь. Лазксканть варштась апак нара ваканшка чама. Удалдонзо неявсь лия. Сон ружия мартоль.

Неть важонзо, — тошкстась удалдон Петрович.

Мезе тенк? — лыпадсь сельмсэнзэ апак наразесь. Зярдо ёвтыя, кие эряви, яволявтсь: — Бачкась ней арась, маласо шкасто а улияк, — ды кенкшесь таго пекставсь.

Сон а манчи, — чаравтызе прянзо Петрович. — Попось, алкукскак, чуросто тесэ эрси. Недлязонзо весть сы эли а сыяк.

Мезе, сеянь сакалонтень пежетень нолдавтомо сыде?  — апак учо маринек удалдонок вайгель.— Ялатеке а лезды. Пеже­тень паргось эсензэ грехте пешксе!

Варштынек — кавто ават пеедькшнить, кургост чамадост келейть. Мейле велявтсть эйстэнек ды, кедьсэст юхаезь, тусть.

     Неть  патят-сазорт,   Нина  ды   Катя   Чевгелеватне.   Сынь аволь минек,— толковизе Петрович. — Попоить а вечксызь, секс истя кортытькак. Мекс? Мейле весементь ёвтнеса. Васня мольтяно вирь чирев. Вант, иля тандадо.

 

***

Пелезевемс ульнесь мезде. Се таркасонть, козонь ветимим Петрович, стявтозель чувтонь кудо, кона пирязель... вишка ракетасо! Седеяк покш абунгадома саимим пельвайгельпешкань ютазь. Минь Петрович марто эртевинек цёраломаньс, кона пушкасто леднесь чувтотнень ланга. Эцесы эйзэнзэ снарядонть, ды — ба-бах! Чувтонь ундокстнэ моданть марто — верев, прязо — алов. Празь «солдатонтень» кавто лия цёрат ветить лишме, содсызь пикс вельде — ды увол-авол ве ёнов.

Сельмс каятотсь «артиллеристэнть» сэрезэ ды виезэ. Сон палманьшкаль, пушканть сельгень прамс велявтнесь, кавтошка пондонь снарядтнэсэ теке оскасо налксесь.

Мель явовтсть оршамопелензэяк: лангсонзоль сёрмав эчке коцтонь кумажа видьга панар. Теке тюсонь понкс петне эцезельть цюлка ладсо стазь кедень кем потс. Карксазель сон кедьлапань келесэ кшнань каркссо, конань бляхазо теезель сырнестэ ды чинть каршо цивтёрдсь, теке чавачамонь пелькс.

Сакалонзо карксамовальть ды вармадонть прок толпандя лыйнесть. Кувакальть черензэяк, секс прянзо перька сюлмазель кедень чова карькске.

Топавтызь тевест ве таркасо — ютасть лияв, соказь пакся чирес. Тесэ покш ломанесь мазыйстэ керсезь чувтонь ваканс путсь кедьсерькань эчксэ штатол, кирвазтизе, велявтсь паксянть ёнов, кепединзе кедензэ ды кармась озномо. Удалонзо стясть кавто лиятнеяк.

Паксянть ве пестэ омбоцес кайсететсть озномаст:

— Норовава, Норовпаз, паксянь прявт, андыцянок-кастыцянок! Пакся ютксо тонь кудот, тоско озамо таркаткак. Пакся ютксо эрят, паксянь перька якат. Якат соказь паксява, видезь розь, товзюро ланга. Вана сынек анокс марто тонеть сюконямо-энялдомо, мазый леметь ледстямо. Ашо, паро кедьсэ, шожда седейсэ кандынек тонеть ярсамопель — ожо мазый сараз. Сюконятано, сюконятано. Прянок алов нолдасынек, лембе седейсэ ознотано. Лембе седей, инеськеть, варштак! Макст тенек кши, кона кастов-линзе сюпавчинек. Макет тенек истямо сюро, конань олгозо ули эчке, прязо — стака.

Норовава, Норовпаз, кода минь сюконятано, кадык истя сюконить минек кедьсэ видезь-кастозь сюротнеяк. Кода минь прянок нолдтнинек, кадык истя сыньгак пряст нолдасызь!

Вана теть, Норовава, ожо, мазый алт, вана теть сывель, тантей прякинеть! Прянь алов нолдазь кандынек! Таштонть саик, одонть максык. Пештить минек паксянок, пештить минек утомонок!


Продолжение

Категория: Мои статьи | Добавил: tati (20.03.2010)
Просмотров: 758 | Рейтинг: 0.0/0 |
Всего комментариев: 0
Имя *:
Email *:
Код *:
...ERZINFORM
ОД СЁРМАДКСТ
[19.01.2010][Стихи]
Александр Арапов. С... (1)
[21.10.2010][Стихи]
Исланкин Юрий Иванов... (0)
[24.01.2010][Мои статьи]
Регина БУДАРИНА. Пут... (0)
[24.01.2010][Мои статьи]
Художники в СССР. Из... (0)
[21.10.2010][Стихи]
Исланкин Юрий Иванов... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2024
    Сделать бесплатный сайт с uCoz