Од ие марто, церат ды ават, сыреть ды одт, эйкакшт!
Кемтяно, 2010 иень
Якшаматянь кептерезэ карми седеяк сюпав аволь ансяк ламбаськайсэ, а
паро-паро тевсэ, паро мельсэ, кецьневкссэ. Кемтяно, эрзянь келесь,
минек кенярксонок ды покштояк покш мелявксонок, карми лексеме седе
келейстэ, седе шождасто!
Шумбрачи весенень Од иень читнестэ ды
свал-свал.
Новольсь ташто иесь,
Стясь Од иень чись
Ды, прок эйкакш, чиезь
Веленть куншкас лиссь.
Совась минек кудос,
Валгсь столенек экшс.
Мезе тосо путозь -
А кельгстяви пекс!
Столенть экшсэ - пакшам,
Вакссом - мазый ним -
Сынст мон шнамо капшан,
Сынь - монь сюпавчим.
Ташто ие, мерян
Сюкпря теть сень кис:
Живан, ломанькс эрян -
Сован яла вийс.
Тонь каршо, Од ие,
Кода эрси свал,
Кадык эрьва кие
Канды кши ды сал.
Числав Журавлев
|
